SONY
Sony Group Corporation, «Sony» (ýaponça ソニー・グループ株式会社 Soni Gurupu Kabusiki-Gaisha) — baş edarasy Tokioda ýerleşýän ýapon köpmilletli konglomerat. Sony toparyna girýän kompaniýalar şulardan ybaratdyr: sarp edijiler we hünärmenler üçin elektronika önümlerini öndürýän Sony Corporation; aýdym-saz we güýmenje pudagynda iş alyp barýan Sony Music Entertainment (Columbia Records) we Sony Music Entertainment Japan (Aniplex); kino önümçiliginde tanalýan Sony Pictures (Columbia Pictures, Sony Pictures Television we Crunchyroll); şeýle hem, wideo oýunlar we güýmenje hyzmatlaryny hödürleýän Sony Interactive Entertainment (PlayStation Studios, PlayStation Productions we Bungie).
qwe.jpg)
Sony 1946-njy ýylda Masaru Ibuka we Akio Morita tarapyndan Tokýo Tsushin Kogyo ady bilen esaslandyryldy. Elektronika kompaniýasy hökmünde TR-55 tranzistor radiosy, CV-2000 öý wideo ýazgy enjamy, Walkman göçme ses pleýeri we CDP-101 kompakt disk pleýeri ýaly ösen önümleri öndürmegi bilen tanalýar. Kompaniýa dürli iş ugurlaryna-da giňeldi. 1988-nji ýylda Sony CBS Records-y, 1989-njy ýylda bolsa Columbia Pictures-i satyn alyp, media we mahabat pudagyna girişdi. Mundan başga-da, 1994-nji ýylda dünýäde giň meşhurlyk gazanan PlayStation öý oýun konsolyny hödürläp, oýun industriýasyna täzelik getirdi. Ýaponiýada kompaniýa maliýe pudagynda hem iş alyp bardy. 2021-nji ýylda Sony holding kompaniýasyna öwrülip, “Sony Corporation” adyny elektronika bilen meşgullanýan golçur kärhanasyna berdi.