Turçanowyň seudegi (Euphorbia turçzaninowii)— seudekler maşgalasyndan boýy 5-20 sm-e ýetýän birýyllyk otjumak ösümlik. Ol aprelde gülleýär, aprel-maýda miweleýär. Ösümlik diýarymyzda Gündogar Garagumda we Günorta-Gündogar Garagumda duşýar. Turçaninowyň seudeginiň dermanlyk maksatlary üçin gory ýeterlik.
Halk lukmançylygynda ösümligiň oty aşgazan- içege kesellerinde, işdä açyjy, iç sürüji derman serişde hökmünde ulanylýar. Şeýle-de dürli ýaralary bitirmekde peýdalanylýar. Ylmy lukmançylykda ösümligiň tohumynyň ýagyny farmasewtika senagatynda ulanmaga ýaramlydygy anyklanyldy.
