Ysly çomuç

Ysly çomuç (Ferula foetida)- saýawanlylar maşgalsyndan boýy 100-120 sm-e ýetýän köpýyllyk otjumak ösümlik. Ol aprel-maýda gülleýär, maý-iyulda miweleýär. Ösümlik Üstýurtda; Uňüzaňyrly Garagumda; Günorta-gündogar Garagumda köpçülikleýin duşýar. Ysly çomujyň dermanlyk maksatlary Üçin gory ýeterlik. Halk lukmançylygynda gysylmanyň we damar çekmäniň garşysyda, öt çykaryjy, kakynda, tutgaýda,bronh demgysmada, öýken inçekeselinde, süýjükeselde, bagyr sökelliklerinde, merzýelde, howply çişlerde peýdalanylýar. Ylmy lukmançylykda köküniň "asafetidanyň şepbik-sakyzy" damar çekmede dermanlyk serişde hökmünde birnäçe ýurtlaryň farmakopeýasyna girizildi. Şeýle-de ylmy lukmançylykda çomujyň dermanlyk serişdeleriniň protistosid işjeňlige eýedigi ýüze çykaryldy.