Nury Meredow
Nury Meredow (bilinýän ady bilen Kasoý; 29-njy mart 1973 — 5-nji dekabr 2010, Aşgabat) — türkmen estrada we halk bagşysy. Türkmenistanda ilkinji gezek geçirlen "Ýaňlan Diýarym" bäsleşiginiň ýeňijisi (1992 ý.).
| Nury Meredow | |
 Nury Meredow türkmen milli egin-eşiginde | |
| Doglan wagty we ýeri | Mart 29, 1973 Köşi obasy (häzirki wagt Aşgabat şäheriniň bir bölegi) |
|---|---|
| Aradan çykan wagty we ýeri | Dekabr 5, 2010 (38 ýaş) Aşgabat şäheri, Türkmenistan |
| Gubury | Seýit Jemaleddin öwülýäsi, Akbugdaý etraby, Türkmenistan |
| Galam ady | Nury kasoý |
| Käri | Bagşy |
| Dili | türkmençe |
| Milleti | Türkmen |
| Raýatlygy | Türkmenistan |
| Periýod | 1990-2010 |
| Esasy baýraklary | Ýaňlan Diýarym |
| Ýanýoldaş(lar)y | Merjen Meredowa (02.12.1992-nji ýylda toý edýärler) |
| Çagalary | Didarmuhammet Meredow,Hezretmuhammet Meredow |
Şahsy durmuşy we kariýerasy
düzetNurmuhammet Meredow 1973-nji ýylyň 29-njy martynda Aşgabat şäheriniň Köşi obasynda eneden dogulýar. Ol 1992-nji ýylyň dekabr aýynyň 2-ne Ogulmerjen Meredowa bilen toý edip durmuş gurýar. Onuň Didarmuhammet (1998) we Hezretmuhammet (2001) atly ogly hemem Dünýä atly (2003) gyzy bar. Onuň ogullary Didarmuhammet we Hezretmuhammet kakasynyň ýollaryny dowam etýärler. Didarmuhammet şu wagt Türkmen döwlet binagärlik-gurluşyk institutynda bilim alýar.
Aradan çykmagy
düzetNurmuhammet Meredow 2010-njy ýylyň 5-nji dekabrynda 38 ýaşynyň içinde aradan çykdy. Bagşy 6-njy dekabrda Ak bugdaý etrabynyň Magtymguly daýhan birleşigindäki Seýit Jemaleddin öwlüýäsinde jaýlandy. Nurmuhammet aramyzdan ir giden bolsada onuñ aýdan aýdymlary häzirki wagtda-da halk arasynda giñden diñlenilýär we ýaş bagşylaryñ arasynda toýlarymyzda hem aýdylýar.[1]
Aýdymlary we diskografiýasy
düzetNury Meredowyň aýdymlary türkmenleriň arasynda giňden diňlenilýär. Onuň aýdymlarynyň köp bölegi Türkmenistanyň aýdym saýty bolan Aydym.com-da hem ýerleşdirilipdir. Nury Meredowyň aýdymlary onuň ýogalmagyndan 10 ýyl geçendigine seretmezden, 2020-nji ýylda onuň "Biwepa", "Bileje okan gyzlarym", "Klasdaş", "Merjenim" aýdymlary Aydym.com saýtynyň iň köp diňlenýän 200 aýdymynyň arasyna girmegi başardy[2]. Onuň Aydym.com saýtynda hasaba alynan aýdymlarynyň sanawy:
- Nury Meredow - Klasdaş
- Nury Meredow - Merjenim Archived 2020-08-04 at the Wayback Machine
- Nury Meredow - Gunça
- Nury Meredow - Bileje okan gyzlarym
- Nury Meredow - Biwepa Archived 2020-04-22 at the Wayback Machine
- Nury Meredow - Saýadym
- Nury Meredow - Bu dünýäde
- Nury Meredow - Gülbahar
- Nury Meredow - Maýsa
- Nury Meredow - Mahymjan Archived 2020-08-05 at the Wayback Machine
- Nury Meredow - Sen dälmi
- Nury Meredow - Söýgüli ýarym
- Nury Meredow - Alma bişende gelgin
- Nury Meredow - Bagyşla meni
- Nury Meredow - Aýby ýok
- Nury Meredow - Baharym Archived 2020-08-05 at the Wayback Machine
Nury Meredowyň jemi 47 albomy we 380-den gowrak aýdymynyň bardygy aýdylýar[3].
Lakamy
düzetNury Meredowyň gözi dar, gysga bolany üçin, oňa heniz çagalyk döwründen, rus dilinde çaşy, gyşyk diýen manyny berýän: "Kasoý" (rus. косой) lakamy dakylypdyr. Bu lakama halypa Nury hiçem gaty görmezdi we şol lakamy bilen hem, ol halk içinde belli boldy.Nury Meredow türkmen bagşylaryñ içinde iñ tanalýanydyr.
Salgylanmalar
düzet
- ↑ w
- ↑ "Aydym.com - iň köp diňlenen aýdymlar - 2020. Aşgabat/Türkmenistan.". Archived from the original on 2020-04-22. Retrieved 2020-04-17.
- ↑ Aydym.com - Nury Meredowyň hemme aýdymlary. 2020 ýyl. Aşgabat/Türkmenistan.